O plano prevé escaleiras mecánicas en rúas perpendiculares ao mar.

O alcalde Abel Caballero confirmou onte que xa encargara o estudo para a conexión viaria entre a saia do Castro e a contorna do Berbés e Beiramar, seguindo así a proposta lanzada polo arquitecto Xerardo Estévez no estudo da contorna do Auditorio, retomada máis tarde por César Portela. recordou que a distancia entre o Concello e Beiramar é de apenas 250 metros lineais, pero moi difíciles de percorrer pola forte pendente. A solución, que agora se poría en marcha e que o alcalde considera "un plan innovador que marcará o futuro de Vigo", consistiría en terminar as rúas perpendiculares ao mar que soben desde Beiramar ata Camelias, construíndo ata escaleiras mecánicas, como xa se contemplaba inicialmente, o que permitiría salvar a falla natural que existe entre O Castro e a Ría.

Recentemente, a Xerencia de Urbanismo deu vía libre á redacción dun estudo, que sería o segundo. O alcalde, que non quixo dar máis detalles, insistiu en que se trata dunha actuación que agora é posible tecnicamente e que cambiaría ata a forma en que os vigueses se moven polo centro urbano. Curiosamente, esta proposta coincide polo menos en parte co proxecto do BNG, que contempla un funicular desde O Berbés ata o Concello con dúas paradas polo medio e un custo estimado de sete millóns de euros. Esta actuación está pendente do seu financiamento polo Consorcio Casco Vello (que controla a Xunta), pero o vicealcalde Domínguez asegurou que buscaría outras vías no caso de que a Administración galega non ratifica o compromiso anterior, o que parece probable.

 {mxc}