Achégase o Nadal e como cada ano dende a Asociación Veciñal e Cultural do Casco Vello ofrecemos un Obradoiro de Cantos e Danzas de Reis para difundir e axudar a recuperar esta tradición galega, que articulamos co Rancho de Reis do casco vello.

Realizaremos os saídas co Rancho de Reis os días 2 de xaneiro ás rúas Pi y Margall e Torrecedeira, o 4 de xaneiro ao Paseo de Alfonso e Ferrería e o sábado 7 de xaneiro ás rúas Progreso e Príncipe.

Tódolos interesados en participar poden contactar na oficina da Asociación Veciñal na rúa Canovas del Castillo 2, baixo.