Tamén sinalou a renovación da rede de alumado público, "a pesar de que haxa algúns aos que non lles gusten ou falen de malgasto", dixo en referencia ás críticas expresadas recentemente polo PP. Así, invitou a achegarse ao Casco Vello a partir das 21:30 horas e comprobar "as diferenzas no alumado", sen esquecer o aforro enerxético que supón os novos farois, "algo moi importante nestes tempos de crises”, remarcou.

Por outra banda, o tenente de alcalde fixo referencia a outro dos elementos modificados, como é o soterramento das liñas de comunicación, “unha vella demanda dos veciños”, asegurou. Respecto diso da pedra empregada na remodelación, destacou que no último tramo da rúa San Bernardo mantéñense as pedras orixinais.

“Nalgunhas zonas era imposible manter a pedra, pero noutras zonas como esta si foi posible e fixémolo”, explicou respecto diso. O nacionalista fixo fincapé en que a reforma destas dúas pequenas rúas súmase á remodelación de Teófilo Llorente, recentemente inaugurada e que “xa é un centro de negocio posto que nos últimos meses xa hai alugados catro locais máis”.

Para seguir nesa liña, mostrou a súa confianza de “seguir contando co apoio da Xunta e do Consorcio do Casco Vello, que foi fundamental nos últimos anos”.

{mxc}