Non negamos a utlidade e necesidade de obras na nosa cidade mais si lamentamos o xeito e modos de planificar a súa realización:
- A pesares de ter solicitado información ao Concello sobre estas
obras, en concreto as de reforma do Casco vello e as de humanización da
rúa Torrecedeira, este non ten respondido á nosa petición, a cal non
tiña máis interese que o seu coñecemnto para información dos veciños.
Lamentamos que uns entes tan integrados na vida veciñal como son as
Asociacións Veciñais non sexan aproveitadas polas institucións para dar
a coñecer as actuacións ou como puntos de información da laboura que
esta realiza nas zonas correspondentes. Pero o que entendemos máis
grave é o ninguneo por parte do Concello a moitas das nosas
solicitudes, situación que impide ofrecer un servizo aos nosos veciños
e que engadido á dificultade de acadar esa información individualmente
polos veciños multiplica o descontento coa laboura municipal. - É dificilmente entendible o xeito de realización destas obras
simultaneamente. Non houbo información previa, nin do tipo de reforma
nin a duración da mesma e agora atopamonos con cortes de tráfico,
trocos de dirección, eliminación de aparcadoiro para residentes e zonas
habilitadas para aparcamento, eliminación de puntos de recollida de
lixo coa retirada de colectores, eliminación de arborado existente, …
Cómo eliminan unha morea de prazas de aparcamento para realizar estas obras sen procurar alternativas?
Por todos é coñecido o deficit de prazas de aparcadoiro existente na
zona Casco Vello-Torrecedeira, situación que se ve multiplicada con
estas obras en simultaneidade co peche da rúa Jacinto Benavente
(Auditorio). Cremos que non se pode deixar este problema sen
planificar unha solución xa que está afectando na vida familiar e
laboral a centos de persoas que ven como atopar unha praza de
aparcamento é unha misión imposible.
- -Creación dun aparcadoiro para residentes debaixo do parque Camilo José Cela
- -Apertura do aparcadoiro do Centro Comercial A Laxe en horario nocturno para residentes.
- -Posta en marcha dun aparcadoiro para residentes no Parking da Porta do Sol ao rematar a concesión (2012)
- -Eliminación de zonas de carga e descarga infrautilizadas en zonas do Casco Vello e Cánovas del Castillo
- -Negociación coa Autoridade Portuaria para uso dunha zona como aparcamento temporal de residentes mentres se fagan as obras.
Cal é o motivo da eliminación das árbores de Torrecedeira? Esta é
outra das preguntas que moitos residentes en Torrecedeira nos
trasladan. Árbores cun gran porte e décadas de antigur¡edade serán
cortado e sibstituidos por uns novos na zona da rúa Paz. Non había un
xeito de planificar as obras mantendo esas árbores? Sempre teremos que
sacrificar o medio ambiente na realización de humanizacións? Isto non é
unha contradicción?
Como podedes comprobar as críticas son moitas e poucas as respostas,
habendo por este motivo un gran malestar entre os veciños, sentir que
esta Asociación comparte e que queremos denunciar á opinión pública
Deixa unha resposta