Ante a expectación creada pola aprobación por parte do Concello de  Vigo da nova ordenanza municipal reguladora da convivencia cidadá e o  lecer (coñecida como normativa antibotellón), queremos denunciar o  seguinte:

  Consideramos positiva a súa aprobación máis só no caso de que esta  sexa realmente utilizada nos casos e lugares establecidos.  Lamentablemente temos experiencias dabondo para dubidar da aplicación real desta nova normativa.

 

 

  Debido á publicidade dada á aprobación desta normativa queremos  lembrar a situación actual en relación coa problemática dos ruidos  nocturnos e das normativas existentes:

  – A Comisión municipal contra o ruido, creada na lexislatura do  alcalde Manuel Pérez para facer un seguimento da problemática do ruido  nocturno, non se ten reunido en toda a lexislatura actual co que non  se está a facer ningún tipo de seguimento das diversas situacións que  acontecen na cidade relativas a este problema, que non son poucas.

  – O departamento de Medio Ambiente (responsable desta problemática),  debido á súa falta de persoal, non está a realizar o labor adecuado  neste tema, máis ben ningún tipo de labor, e caseque chegado á metade
da lexislatura municipal a inactividade neste tema é total, resultando  deste xeito situacións como a caducidade de expedientes abertos a  locais por incumprimento de horarios ou non ter licenzas de bar con  música, situación que dá motivos a moitos locais para forzar a  legalidade e non cumprir coas normativas existentes.

  – Despois de ter aprobado a creación das zonas ZAS (Zonas  Acusticamente Saturadas) non se ten realizado ningún tipo de  seguimento na súa aplicación, nin control de locais, nin de  cumprimento de horarios e licenzas, nin medicións sonométricas en  ditos espazos.

  – As excusas de falta de persoal no departamento de Medio ambiente, de  falta de persoal na plantilla da Policia municipal, falta de  sonómetros para medicións acústicas, ? son excusas tan válidas agora  como no momento de aplicación da nova normativa?. Van cambiar nalgo  esas excusas?
{mxc}